“Binə” ticarət mərkəzində yanğın baş verib

Binə ticarət mərkəzində yanğın baş verib.


Fövqəladə Hallar Nazirliyindən  bildiriblər ki, nazirliyin "112” qaynar telefon xəttinə Bakı şəhərinin Qaradağ rayonu, Lökbatan qəsəbəsində "Binə” ticarət mərkəzində mağazaların birində yanğın olması barədə məlumat daxil olub.


Dövlət Yanğın Mühafizə Xidmətinin yanğından mühafizə bölmələri tərəfindən həyata keçirilən təxirəsalınmaz tədbirlər nəticəsində yanğın söndürülüb.


Əlavə məlumat veriləcək.