Sosial şəbəkələrdə hədə-qorxu gələn şəxs tutulub
Bakıda sosial şəbəkələrdə hədə-qorxu gələn şəxs saxlanılıb.
Daxili İşlər Nazirliyinin (DİN) mətbuat xidmətindən verilən xəbərə görə, Qaradağ Rayon Polis İdarəsinin 10-cu Polis Bölməsinə müraciət edən Bakı şəhər sakini olan bir qadın qızının şəkillərindən istifadə edən şəxsin sosial şəbəkədə səhifə açaraq digər şəxsləri təhqir etməsini, habelə ona hədə-qorxu gəlib pul tələb etməsini bildirib.
Polis əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən 19 yaşlı Y. Məmmədov müəyyən edilərək saxlanılıb.
Qaradağ Rayon Polis İdarəsində araşdırma aparılır.
