Kimya dərsliyindəki yeniliklər gələn il qəbul imtahanlarında nəzərə alınmayacaq
Kimya fənni üzrə işçi qrupunun iclası keçirilib.
Dövlət İmtahan Mərkəzindən verilən xəbərə görə, gündəlik məsələ respublikanın ümumtəhsil müəssisələrində 2022-2023-cü tədris ili üçün istifadəyə verilmiş, təkmilləşdirilmiş 10-cu sinif dərsliyinin son 3 bölməsinin təhlili olub. Dərslikdəki yeniliklər, dəyişikliklər təhlil edilib.
Bununla da dərsliyin müzakirəsi başa çatıb.
2023-cü ildə I və IV ixtisas qrupları üzrə qəbul imtahanlarında dərslikdəki yeniliklər nəzərə alınmayacaq. Çünki imtahan verəcək abituriyentlər tədris prosesində bu dərsliyin əvvəlki illərdə çap olunmuş nəşrini istifadə ediblər.
Növbəti iclasda I və IV ixtisas qrupları üzrə qəbul imtahanı proqramları müzakirə ediləcək.
