Sosial qruplara hüquqi yardım necə həyata keçirilməlidir?
Azərbaycan Respublikası QHT-lərə Dövlət Dəstəyi Agentliyinin maliyyə yardımı ilə Jurnalist Qadınlar Assosiasiyasının "Sosial qruplara hüquqi yardımın təşkili” layihəsinin davamı olaraq növbəti Dəyirmi masa keçirilib. "Dayaq” Vətən Müharibəsi Əlilləri və Şəhid ailələrinə dəstək İctimai Birliyinin ofisində baş tutan tədbirdə şəhid ailələri, qazilər və müharibə veteranları iştirak edib.
Tədbiri giriş sözü ilə açan "Dayaq” Vətən Müharibəsi Əlilləri və Şəhid ailələrinə dəstək İB-nin rəhbəri Qalib Əliyev görüş iştirakçılarına hökümətin yürütdüğü sosial siyasət barədə məlumat verib. O, Jurnalist Qadınlar Assosiasiyasının fəaliyyətini-sosial qruplara hüquqi yardımın təşkili işini yüksək qiymətləndirib.
Tədbirdə çıxış edən Jurnalist Qadınlar Assosiasiyasının rəhbəri Sevil Yusifova da öz növbəsində ev sahiblərinə minnətdarlığını bildirib. Dəyirmi masada iştirak edən dinləyiciləri Zəfərimizin ikinci il dönümü münasibətilə təbrik etib. Xanım Yusifova Azərbaycan Respublikası QHT-lərə Dövlət Dəstəyi Agentliyinin milli məsələrə həssas yanaşdığını və son illər qurumun prioritet mözvuları sırasında məhz sosial qrupların maarifləndirilməsi məsələsinin olduğunu bəyan edib.
S.Yusifova indiyə kimi görülən işlər barədə də danışdı. O bildirib ki, ölkədə həyata keçirilən sosial islahatlar və sosial dəstək proqramları müharibə iştirakçılarını əhatə edir. Məhz, Vətən müharibəsində əldə etdiyimiz qələbə münasibətilə Azərbaycan Respublikasının qanunlarından bir qisminə dəyişikliklər edilib. Bu dəyişikliklər müharibə iştirakçılarının, şəhid ailələrinin rifah halının yaxşılaşdırılması məqsədi ilə görülüb.
S.Yusifova sosial mediada rast gəldiyimiz narazılıqlar haqqında da söhbət acıb. Məruzəçi qeyd edeib ki, bir qisim insanlarımızın məlumatsızlığı, qanunvericiliklə onlara verilən hüquqlardan xəbərsiz olması cəmiyyətdə çaşbaşlıq yaradan informasiyaların yayılmasına gətirib çıxarıb. Bəzi vətəndaşlarımız öz hüquqlarını bilməməsi səbəbindən üzləşdiyi "maneələrin” həlli yollarını sosial mediyada ictimailəşdirməkdə görür. Bu və digər səbəbləri analiz etdikdə o nəticəyə gəlirik ki, toplumda həssas qrupların maarifləndirilməsi zərurəti mövcuddur.
Toplantıda çıxış edən qazi Şirinov Ramin bir neçə istiqamətdə hökümətin apardığı uğurlu fəaliyyətdən, qazi və şəhid ailələrinə göstərdiyi yardımlardan, ev və maşınların təqdim olunması, torpaq sahələrinin verilməsi, xırda sahibkarlıq üçün yradılan şəraitdən danışıb.
Dəyirmi masada iştirak edən qazi Şəkərov Qadir, Hüseynəliyev Həmzə, Əhmədov Emil, Qurbanov Rauf, Cavadov Mətin bildirdilər ki, onların həm ev problemləri var, həm də işsizdilər. Müxtəlif təşkilatlara ünvanladıqları müraciətlər həllini tapmır. Çıxış edənlər ən çox işsizlikdən əziyyət çəkdiklərini və əlillik təqaüdlərinin dayandırılmasından danışdılar. Əksər müharibə iştirakçıları bəzi məmurların biganəliyindən və bəzi şavadsız kadrların yarıtmazlıqlarından da gileyləniblər.
Müfəttiş Hüquq Mərkəzinin sədr müavini, "Sosial qruplara hüquqi yardımın təşkili” layihəsinin eksperti Mobil Vəkiloğlu sosial qruplara verilən güzəştlərdən, imtiyazlardan danışıb.
Toplantıda müzakirələrə qatılan hüquqşünas Azər Səfərov çıxış edərək, hər bir döyüşçünün probleminin hüquqi müstəvidə həlli üçün tövsiyyələrini verib.
Dəyirmi masanın sonunda "Dayaq” Vətən Müharibəsi Əlilləri və Şəhid ailələrinə dəstək ictimai birliyinin sədr müavini Məcid Məmmədov təmsil olunduğu qurum adından bir sıra təkliflərlə çıxış edib və bu cür platformlarda müzakirələrin faydalı olduğunu və layihənin icra müddəti bitdikdən sonar da birgə əməkdaşlığın faydalı olacağından danışıb.
