Bakıda yanğın baş verib, ölənlər var
Bakının Suraxanı rayonu ərazisində fəaliyyət göstərən sexdə yanğın baş verib.
Yerveinsan.az-ın məlumatına görə, hadisə Binə qəsəbəsi, Südçülük sovxozunda yerləşən masa və oturacaqların hazırlanması sexində baş verib.
Hadisə nəticəsində 2 nəfər sexin içərisində yanaraq ölüb.
Fövqəladə Hallar Nazirliyinin (FHN) əməkdaşları tərəfindən yanğın söndürülüb.
Hazırda ölənlərin kimliyi müəyyənləşdirilir və araşdırma aparılır.
