18 yaşlı gənc ehtiyatsızlıqdan ov silahından açılan atəş nəticəsində ölüb
![](resizer.php?src=photos/2024/06/1719118804.jpg&h=475&w=690&zc=1&q=90)
Tərtərdə 18 yaşlı gənc ehtiyatsızlıqdan ov silahından açılan atəş nəticəsində ölüb.
Bu barədə DİN-in Mətbuat Xidmətinin regional qrupundan məlumat verilib.
Vurğulanıb ki, iyunun 23-də saat 05:00 radələrində Tərtər rayon sakini 2006-cı il təvəllüdlü Süleymanlı Eltac Bəylər oğlunun ehtiyatsızlıqdan ov silahından açılan atəş nəticəsində xəsarət alması və xəstəxanada ölməsi barədə polisə məlumat daxil olub.
Araşdırmalarla hadisəni törətməkdə şübhəli bilinən zərərçəkmişin dayısı 1988-cu il təvəllüdlü Əhmədov Asiman Vaqif oğlu saxlanılıb.