İmtahanda 1 nəfər maksimum nəticə toplayıb, 9 nəfərin nəticəsi ləğv olunub

Ümumi (9 illik) orta təhsil səviyyəsi üzrə aprelin 30-da keçirilən buraxılış imtahanlarının nəticələri açıqlanıb.

Yerveinsan.az xəbər verir ki, imtahanda 1 nəfər maksimum - 300 bal toplayıb.

Yüksək nəticə göstərən şagird Naxçıvan Qarnizonunun tam orta məktəbində təhsil alan Məmmədli Məhəmməd Qurban oğludur.

Qeyd edək ki, aprelin 16-da keçirilən imtahanda da 1 nəfər – Akademik Zərifə Əliyeva adına liseyin şagirdi maksimal olan 300 bal toplamaqla ən yüksək nəticəni göstərib.

İmtahanlarda iştirakı nəzərdə tutulan 48 065 nəfərdən 373-ü imtahana gəlməyib. Bundan əlavə, tələb olunan imtahan qaydalarını pozduğu üçün 9 nəfərin nəticəsi ləğv olunub.