Yeniyetmənin batdığı ehtimal edilən istiqamətlər üzrə axtarışlar davam edir
Aprelin 20-də Ceyranbatan su kanalının Sumqayıt şəhərinin “Stansiya Sumqayıt” adlanan ərazisindən keçən hissəsində batdığı ehtimal olunan 2011-ci il təvəllüdlü Əliyev İbrahim Samir oğlunun axtarışları davam etdirilir.
Fövqəladə Hallar Nazirliyi məlumat yayıb.
Hazırda yeniyetmənin batdığı ehtimal edilən istiqamətlər üzrə, o cümlədən, kanalın Ceyranbatan su anbarı ilə birləşən hissəsində axtarışlar intensiv şəkildə həyata keçirilir.
Əlavə məlumat veriləcək.
