Azərbaycana Rusiya və İsveç şirkətlərinin istehsalı olan COVID-19 vaksinləri gətiriləcək
Azərbaycan Respublikasının Baş naziri Əli Əsədov COVID-19-la bağlı dərman vasitələrinin idxalı barədə sərəncamlar imzalayıb.
Bu barədə Nazirlər Kabinetinin mətbuat xidmətindən məlumat verilib.
Sərəncamlara əsasən, İcbari Tibbi Sığorta üzrə Dövlət Agentliyi ilə Rusiya Federasiyasının “HUMAN VACCINE” MMC şirkəti arasında imzalanmış dərman vasitəsinin tədarükünə dair təchizat Sazişinə əsasən 300 000 (üç yüz min) doza “Sputnik V”, GAVİ ALLİANCE arasında imzalanmış dərman vasitəsinin tədarükünə dair 2020-ci il 18 sentyabr tarixli Sazişə əsasən isə İsveç Krallığının “AztraZeneca” şirkətinə məxsus 432 000 doza COVID-19 vaksin dərman vasitəsinin Azərbaycana idxalı həyata keçiriləcək.
Sənədlərdə dərman vasitələrinin idxalının 180 gün müddətində həyata keçiriləcəyi qeyd olunub.
