İki İran vətəndaşı istiqaməti itirərək Azərbaycan ərazisinə keçib

Sentyabrın 9-da Dövlət Sərhəd Xidmətinin Sərhəd Qoşunlarının “Lənkəran” sərhəd dəstəsinin xidməti ərazisində, dövlət sərhədinin dağlıq və sıx meşəlik hissəsində istiqaməti itirərək İran İslam Respublikasından Azərbaycan Respublikasına keçən İran vətəndaşları – 2002-ci il təvəllüdlü Sadeq Necat Muhammed Reza Ruhullah və 2000-ci il təvəllüdlü Sadeq Necat Əmirhüseyn Ruhullah sərhədçilər tərəfindən saxlanılıb.

Bu barədə Dövlət Sərhəd Xidməti məlumat yayıb. Bildirilib ki, qeyd olunan şəxslər rəsmi qaydada müqabil tərəfə təhvil verilmişdir.