Xəzər dənizində iki balıqçı itkin düşüb
Astara rayonu ərazisində Xəzər dənizində iki nəfərin itkin düşməsi barədə ilkin məlumat daxil olub.
Bu barədə FHN-nin mətbuat xidmətindən məlumat verilib.
Bildirilib ki, dərhal FHN-nin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri axtarışlara cəlb olunub və aidiyyəti qurumlar məlumatlandırılıb.
Hazırda itkin düşdüyü ehtimal olunan şəxslərin axtarışları davam etdirilir.
Qeyd olunur ki, balıqçılar Şahağac kəndi ərazisindən balıq tutmaq üçün dənizə çıxıblar.
