Təhsil Nazirliyi: Dərslər sentyabrın 15-dək təxirə salınmayıb
Təhsil Nazirliyi dərslərin sentyabrın 15-dək təxirə salınması ilə bağlı yayılan xəbərə ayıdınlıq gətirib.
Qurumun mətbuat xidmətinin rəhbəri Cəsarət Valehov açıqlamasında sözgedən xəbəri təkzib edib.
Onun sözlərinə görə, belə yanlış xəbərlərin yayılması cinayət tərkibi yaradır:
"Bu gün sosial şəbəkələrdə Nazirlər Kabineti yanında Operativ Qərargaha istinadən guya dərslərin 15 sentyabradək təxirə salınması ilə bağlı yayılan xəbər yanlışdır. Belə yanlış xəbərlərin yayılması cinayət tərkibi yaradır. Rəsmi qurumların xəbərlərinə istinad edin, doğrusunu bizimlə bölüşün".
