Şəhriyar Məmmədyarov “FTX Road to Miami” turnirində 5-ci sıradadır
Şahmat üzrə Çempionlar turu çərçivəsində “FTX Road to Miami” turnirinin ilkin mərhələsi davam edir.
Yarışda Azərbaycanı qrosmeyster Şəhriyar Məmmədyarov təmsil edir. Bu gün şahmatçılar 9-10-11-12-ci turun oyunlarında iştirak edirlər. Dairəvi sistem üzrə keçirilən yarışda 16 iştirakçı pley-offda çıxış edəcək səkkiz nəfəri müəyyənləşdirəcək.
Şəhriyar Məmmədyarov 13 xalla 8 turdan sonra 5-ci sırada qərarlaşıb.
Qeyd edək ki, komandamızın digər üzvü Teymur Rəcəbov yarışa qatılsa da, beşinci turdan sonra səhhətinə görə turniri tərk edib.
