Bu günədək “Dostluq Meşəsi”ndə və ətrafdakı yamaclarda 63 mindən çox ağac əkilib
Bu günədək “Azərbaycan-Türkiyə Beynəlxalq Meşə Təlim Mərkəzi, Ağıllı Tingçilik və Dostluq Meşəsi Kompleksi”nin “Dostluq Meşəsi” adlandırılan sahəsində, o cümlədən ətrafdakı terraslarda regional meşə təsərrüfatı mərkəzinin əməkdaşlarının iştirakı ilə 73 hektarda 63 mindən artıq müxtəlif növ ağac tingi əkilib.
Meşələrin İnkişafı Xidmətinin rəsmisi Cabbar Qəribov bildirib ki, son bir həftə ərzində Cəbrayılın “Dostluq Meşəsi” adlandırılan sahəsində, eləcə də ətrafdakı yamaclarda əkilən ağacların sayı 13 min 530-a bərabərdir.
Qeyd edək ki, Azərbaycan və Türkiyənin birgə təşəbbüsü ilə həyata keçirilən layihə çərçivəsində kompleksin ərazisində və ətraf terraslarda ağacəkmə tədbirlərinə ötən ilin sonlarından başlanılıb.
