Bakıda 4 marşrut avtobusunun hərəkət sxemi dəyişdirilir
Fevralın 5-də 4 marşrut avtobusunun hərəkət sxemi müvəqqəti dəyişdiriləcək.
Bu barədə Bakı Nəqliyyat Agentliyi (BNA) məlumat yayıb.
Qeyd olunub ki, məhdudiyyət fevralın 5-i saat 09:00-dan 16:00-dək Heydər Əliyev prospektinin kənar yolunda, tuneldə (Bağırov körpüsünün alt hissəsi, şəhər mərkəzi istiqamətində) təmir işləri ilə əlaqədardır.
Tətbiq ediləcək məhdudiyyətlərə uyğun olaraq 1, 13, 38 və M8 nömrəli marşrutların hərəkət sxemi müvəqqəti dəyişdirilərək Heydər Əliyev prospekti, əsas yoldan təşkil ediləcək.
