Azərbaycan parataekvondo millisi tarixi uğura imza atıb

Azərbaycan parataekvondo millisi Serbiyanın paytaxtı Belqradda keçirilmiş Avropa çempionatında tarixi uğura imza atıb.

Milli Paralimpiya Komitəsindən  verilən məlumata görə, yığmanın heyətində İmaməddin Xəlilov (70 kiloqram) qızıl, Əbülfəz Abuzərli (80 kiloqram) gümüş medal qazanıblar. Yığma bu nəticə ilə medal əyarına görə komanda hesabında birinci yeri tutub.

İkinci pillədə Türkiyə, üçüncü sırada isə neytral statusda çıxış edən idmançıların komandası (AIN) qərarlaşıb.

Qeyd edək ki, Azərbaycan millisi qitə birinciliyində baş məşqçi Fərid Tağızadənin rəhbərliyi altında mübarizə aparıb. Yığma yarışda 3 parataekvondoçu ilə təmsil olunub.