Ceyhan limanından indiyədək 3,26 mlrd. bareldən çox neft nəql edilib
Türkiyənin "Botas International Limited" (BIL) şirkəti tərəfindən bu günədək Ceyhan neft terminalından 3,26 mlrd. bareldən artıq neft yola salınıb.
Hesabat dövründə terminaldan 4 254 tanker yüklənilib. Bu il (bu günə olan vəziyyətə görə) Ceyhan neft terminalından 135,52 mln. barel neft və 169 tanker yüklənilib.
Qeyd edək ki, bu ilin iyunun 21-dən iyulun 22-dək terminalda 27 tanker yüklənilib.
Xatırladaq ki, BIL 2001-ci ildən etibarən Bakı-Tbilisi-Ceyhan neft kəmərinin Türkiyə ərazisində istismarı ilə məşğul olur.
