KİV: ABŞ Suriyada iki yeni neft bazası inşa edir
Birləşmiş Ştatlar Suriyanın neft bölgəsində iki yeni hərbi baza qurur.
Bu barədə “Anadolu” agentliyi məlumat yayıb.
Agentliyin məlumatına görə, ABŞ bölgəyə 250-300 əsgər, eləcə də zirehli texnikalar, ağır silahlar və döyüş sursatlarını göndərib.
Qeyd edək ki, dəfələrlə dünya ölkələri tərəfindən Trampın Suriyanın neft mədənlərin qarşı işğal siyasəti yürütdüyü bildirilib.
Pentaqon rəhbəri Mark Esperin sözlərinə görə, ABŞ qoşunları neft yataqlarını müdafiə etmək üçün buradadır və bura hücum etmək istəyən istənilən ölkənin cavabını verəcək.
Rusiya Müdafiə Nazirliyi isə ABŞ-ın Suriyadakı “neft yataqlarını qoruması”nın mövcud beynəlxalq qanunlara zidd olduğunu bildirib.
