Nazirlik: elektron qaydada göndərilən sənədlərə möhür tələb olunmur

Vergi orqanı tərəfindən “elektron kabinet”ə vergi borcunun ödənilməsinə dair göndərilən bildiriş möhürlə təsdiq edilmiş formada göndərilirmi?

Vergilər Nazirliyinin Media və Kommunikasiya İdarəsindən bildirilib ki, vergi orqanının vergiödəyicisinə göndərdiyi hər hansı sənədlər (qərar, akt, bildiriş, tələbnamə, məktub) yaxud onların surətləri vergi orqanının rəhbəri və ya onun müavini tərəfindən imzalanmalı və təsdiq edilməlidir.

Lakin elektron qaydada göndərilən sənədlərin möhürlə təsdiq edilməsi tələb olunmur.