Tatarstanda neftdoldurma stansiyasında partlayış və yanğın baş verdi – VİDEO
Tatarstanın Almetyevsk rayonunda yerləşən “Kaleykino” neftdoldurma stansiyasında partlayış və sonra yanğın baş verib.
“RİA Novosti” xəbər verir ki, hadisə nəticəsində 2 nəfər xəsarət alıb.
Partlayış işlədilməyən anbarların birində planlı təmizlik işləri aparıldığı zaman baş verib. Hadisə yerindən kadrlar internetdə yerləşdirilib.
Rusiya FHN-nin yerli idarəsindən bildiriblər ki, yanğın lokallaşdırılıb.
