Süleymaninin öldürülməsinə görə NATO baş katibi təcili iclas çağırdı

NATO-nun baş katibi Yens Stoltenberq  İraqda baş verən son hadisələrlə bağlı Şimali Atlantika Şurasının təcili iclasını keçirmək barədə qərarına gəlib.

Bu barədə Avstriyanın “Standard” qəzeti məlumat yayıb.

 
İclas bazar ertəsi saat 15:00-a təyin edilib.

Şimali Atlantika Şurası NATO-dakı bütün əsas siyasət qərarlarını verir. Görüşlər daimi nümayəndələr, müdafiə və ya xarici işlər nazirləri səviyyəsində və ya dövlət və ya hökumət başçıları səviyyəsində (zirvə görüşləri) keçirilir. Bütün qərarlar konsensus yolu ilə qəbul edilir. Şuraya İttifaqın baş katibi rəhbərlik edir.