Əminə Ərdoğan: Dünyaca məşhur Qarabağ atlarının bənzərsiz kompozisiyası son dərəcə təsirli idi
Dünyaca məşhur Qarabağ atlarının bənzərsiz kompozisiyası son dərəcə təsirli idi.
Bu fikirləri Türkiyə Prezidentinin xanımı Əminə Ərdoğan İstanbulda keçirilən V Etnosport Mədəniyyət Festivalında ölkəmizin təqdim edilən kompozisiyasını izlədikdən sonra özünün rəsmi tviter hesabında paylaşıb.
Paylaşımda bildirilir: “Milli dəyərlərimizi günümüzdə əks etdirən festivalın dünya mədəniyyətini uşaqlarımıza tanıtmaq üçün bir fürsət olduğuna inanıram və hər kəsin ziyarətə gəlməsini məsləhət görürəm”.
Qeyd edək ki, Dünya Etnosport Konfederasiyasının təşkilatçılığı ilə keçirilən tədbirdə ölkəmiz Qarabağ atlarından ibarət süvari dəstə və Dövlət Sərhəd Xidmətinin rəqs ansamblının simasında “Odlar yurdu” kompozisiyası ilə təmsil olunur.//Azertac
