Avropa çempionatının ikinci mərhələsinin püşkü atılıb
19 yaşadək qadın futbolçulardan ibarət milli komandalar arasında 2024/2025 mövsümü üzrə Avropa çempionatının ikinci mərhələsinin püşkü atılıb.
AFFA-dan verilən məlumata görə, İsveçrənin Nyon şəhərində baş tutan püşkatma mərasimində Azərbaycan millisinin də rəqibləri müəyyənləşib. B Liqasının 4-cü qrupunda yer alan U-19 Şimali İrlandiya, Albaniya və Monteneqro yığmaları ilə mübarizə aparacaq.
İkinci mərhələnin oyunları 2025-ci ilin fevral-aprel aylarında keçiriləcək.
