Ədliyyə naziri Ağdamda vətəndaşların müraciətini dinləyib
Ədliyyə naziri Fərid Əhmədov Ağdam rayonunun Quzanlı qəsəbəsində vətəndaşların müraciətini dinləyib.
Ədliyyə Nazirliyinin mətbuat xidmətindən verilən məlumata görə, nazir Ümummilli Lider Heydər Əliyevin rayondakı abidəsini ziyarət edib və önünə gül dəstəsi düzüb.
Qəbulda Ağdam, Tərtər, Ağcabədi, Bərdə və Laçın rayon sakinlərinin ədliyyə fəaliyyəti ilə bağlı müraciətləri dinlənilib. Vətəndaşların müraciətlərində qaldırılan məsələlərin bir qismi yerində müsbət həllini tapıb. Əlavə araşdırma tələb edən digər müraciətlərə isə mövcud qanunvericiliyin tələblərinə uyğun şəkildə baxılması ilə bağlı nazirliyin aidiyyəti struktur bölmələrinin rəhbər şəxslərinə müvafiq tapşırıqlar verilib.
