Şahmat üzrə ölkə çempionatına yekun vurulub
Gənclər və İdman Nazirliyi, Azərbaycan Şahmat Federasiyasının (AŞF) təşkilatçılığı, Təhsil” Respublika İdman Mərkəzinin dəstəyi ilə keçirilən şahmat üzrə 8,10,12,14,16 və 18 yaşadək oğlanlar və qızlar arasında ölkə çempionatına yekun vurulub.
AŞF-dən verilən məlumata görə, Zuğulba tədris idman bazasında təşkil edilən yarışın bağlanış mərasimi keçirilib. Müxtəlif yaş kateqoriyalarında Kənan Babasoy, Mələk Əsədli (8 yaşadək), Atilla Orman, Mehriban Əhmədli (10 yaşadək), Nurlan Əzizli, Fatimə Mirzəliyeva (12 yaşadək), Paşam Əlizadə, Səadət Bəşirli (14 yaşadək), Rüstəm Rüstəmov və Ayan Hüseynli (16 yaşadək), Rəvan Uguzov, Nurtən Nuriyeva (18 yaşadək) ən çox xal toplamaqla birinci yeri tutublar.
Qurumun vitse-prezidenti Faiq Həsənov qalibləri təbrik edərək, onlara növbəti yarışlarda uğurlar arzulayıb.
Qeyd edək ki, ölkə çempionatında ümumilikdə 136 şahmatçı mübarizə aparıb.
