Bakı-Qəbələ-Bakı marşrutu üzrə qatar reysləri təşkil olunacaq
Zəfər Günü və Dövlət Bayrağı Günü ilə əlaqədar ardıcıl dörd qeyri-iş günündə sərnişin tələbatının qarşılanması məqsədilə noyabrın 7-dən 10-dək Bakı-Qəbələ-Bakı marşrutu üzrə qatar reysləri təşkil olunacaq.
“Azərbaycan Dəmir Yolları” QSC-dən (ADY) bildirilib ki, qeyd olunan tarixlərdə sərnişinlər həm Bakıdan Qəbələyə, həm də Qəbələdən Bakıya qatarla səfər edə biləcəklər.
Biletləri ADY-nin rəsmi internet saytı, “ADY Mobile” tətbiqi və dəmiryol kassalarından əldə etmək mümkündür.
