Gələn ilin büdcə layihəsi birinci oxunuşdan keçdi
Milli Məclisin bu gün keçirilən iclasında 2020-ci ilin dövlət büdcə layihəsi müzakirəyə çıxarılıb.
Layihə səsə qoyularaq birinci oxunuşda qəbul edilib.
2020-ci ilin dövlət büdcəsinin gəlirləri 24 milyard 134 milyon manat təşkil edəcək. Büdcənin xərcləri isə 26 milyard 914 milyon manat olacaq.
2020-ci ilin icmal büdcəsinin gəlirləri 27 mlrd. 533 mln. manat səviyyəsində proqnozlaşdırılır.
İcmal büdcə xərclərinin yuxarı həddi 29 mlrd 488 mln manat olacaq ki, bu da 2019-cu illə müqayisədə 2 mlrd. 117 mln. manat və ya 7,7% çoxdur.
