Oksana Rəsulovadan Naxçıvanda keçirilən görüşlə bağlı REAKSİYA
Tanınmış rəqqasə, aktrisa Oksana Rəsulova Naxçıvan Dövlət Universitetində (NDU) “Həmsöhbət” layihəsinin ilk qonağı olub. Oksana Rəsulova NDU tələbələri qarşısında “Bloqerlik və incəsənət” mövzusunda çıxış edib. Onun universitetə dəvət olunması birmənalı qarşılanmayıb, NDU rəhbərliyi ictimaiyyət tərəfindən ciddi tənqid edilib.
Yerveinsan.az bildirir ki, Pravda.az-ın əməkdaşı səslənən fikirlərlə bağlı Oksana Rəsulovanın mövqeyini öyrənmək üçün onunla əlaqə saxlayıb.
O.Rəsulova tənqidlərlə bağlı susmağı üstün tutub:
“Yeganə xanıma zəng edin, “press-sekretarım” odur, o cavab verəcək…”, - deyərək sualları cavabsız qoyub.
Əməkdaşımızı yönləndirdiyi Yeganə xanım isə belə cavab verib:
“Bununla bağlı açıqlama olmayacaq. Oksana xanım bu barədə heç nə danışmayacaq. Mühazirənin mövzusunu da özü “İnstagram” səhifəsində yazıb. Oksana xanımı universitet rəhbərliyinin özünün dəvət edib-etmədiyini bilmirəm, heç nə deyə bilmərəm”.
