"Yuventus"u böyük məşqçi çalışdıracaq" - Alleqri
Bu mövsümün sonu "Yuventus"dan ayrılacaq baş məşqçi Massimiliano Alleqri açıqlama verib.
Təcrübəli mütəxəssis bildirib ki, Turin klubu onun layiqli əvəzləyicisini tapacaq: "Bu "Yuventus"u yaratmaq üçün 5 il lazım oldu, amma indi hər şey bitir. Həyat davam edir, indi evə gedirəm, sonra bir az istirahət edəcəm. "Yuventus"u kimin çalışdıracağını bilmirəm, amma əminəm ki, bu, böyük məşqçi olacaq. Çünki "Yuventus" böyük klubdur. Bu, 5 il gözəl idi"
Qeyd edək ki, istefa ilə bağlı Alleqri və klubun Direktorlar Şurasının sədri Andrea Anyelli bu gün mətbuat konfrası keçirəcək.
