Zelenski Trampı Ukraynaya dəvət edib
Ukrayna Prezidenti Volodimir Zelenski Amerika lideri Donald Trampı ölkəyə səfərə dəvət edib.
Bu barədə AFP məlumat yayıb.
“Lütfən, hər hansı bir qərar qəbul etməzdən, hər hansı danışıqlar aparmazdan əvvəl gəlin və insanlara, mülki şəxslərə, əsgərlərə, xəstəxanalara, kilsələrə, uşaqlara baxın”, - deyə Zelenski bildirib.
Zelenski əlavə edib ki, Tramp səfərindən sonra Ukraynada nə baş verdiyini başa düşəcək.
Aprelin əvvəlində ABŞ Prezidenti Donald Tramp Rusiya və Ukrayna liderlərinin münaqişənin həlli üçün saziş bağlamağa hazır olduqlarını bildirib. Amerika Prezidenti əmin olduğunu bildirib ki, o, Avropa liderlərindən fərqli olaraq bu məsələdə irəliləyişə nail ola biləcək.//Azərtac
