Cavad Zərif generalın öldürülməsini ABŞ tərəfindən törədilmiş terror aktı adlandırıb

İranın xarici işlər naziri Məhəmməd Cavad Zərif İran İslam İnqilabının “Qüds” xüsusi təyinatlıları Korpusunun komandiri general Qasım Süleymaninin ölümünü ABŞ-ın törətdiyi “terror hücumu” adlandırıb.

Bu barədə iranlı nazir BMT-nin Baş katibi Antonio Quterreşlə telefon danışığı zamanı bildirib.

“Süleymaninin öldürülməsinə görə bütün məsuliyyəti ABŞ daşıyır”, - deyən Zərif telefon danışığında ABŞ-ın hücumunun “terror aktı” olduğunu vurğulayıb.

 
Öz növbəsində, BMT Baş katibi ABŞ-ın hərəkətlərindən narahatlığını ifadə edərək, bunun bölgədəki gərginliyin artmasına səbəb ola biləcəyini əlavə edib.apa