ABŞ rəsmisi: Zənginləşdirilmiş uran təhvil verilməsə, İranla razılaşma olmayacaq
ABŞ administrasiyası İran zənginləşdirilmiş uran ehtiyatlarını təhvil vermədiyi təqdirdə, Tehranla yekun razılaşmanın mümkün olmayacağını bəyan edib.
Bu barədə “Reuters” agentliyi ABŞ rəsmisinə istinadla məlumat yayıb.
Bildirib ki, Vaşinqton İranın zənginləşdirilmiş uran ehtiyatlarının ABŞ-a təhvil verilməsini mümkün razılaşmanın əsas şərtlərindən biri hesab edir.
“Sadəcə aydınlaşdırmaq istəyirəm ki, əgər bu məsələ həll olunmasa, İranla razılaşma əldə edilməyəcək”, – deyə ABŞ rəsmisi vurğulayıb.
Onun sözlərinə görə, Tehran bu tələbi qəbul etmədiyi halda, Vaşinqtonun müxtəlif fəaliyyət variantları mövcuddur.
ABŞ Prezidenti Donald Tramp daha əvvəl İranla atəşkəsin artıq qüvvədə olmadığını, eyni zamanda tərəflər arasında danışıqların davam etdiyini bildirmişdi.//Azərtac
