Rusiya quru sərhədini keçməsinə qoyulan məhdudiyyətləri ləğv edib

İyulun 15-dən Rusiya 2020-ci ilin martında koronavirus infeksiyasının yayılması ilə əlaqədar dövlətin quru sərhədini keçməsi ilə bağlı tətbiq etdiyi məhdudiyyətləri ləğv edib.

Müvafiq sənədi ölkənin baş naziri Mixail Mişustin imzalayıb.

Bundan əvvəl epidemik vəziyyətin yaxşılaşması ilə əlaqədar iyunun 14-dən etibarən xarici vətəndaşların Rusiyaya hava və dəniz keçid məntəqələri vasitəsilə girişinə qoyulan məhdudiyyətlərin ləğv edilməsi qərara alınıb. Lakin yerüstü nəqliyyat vasitələri ilə girişə bir sıra məhdudiyyətlər tətbiq olunmağa davam edib.//Trend