Alp dağlarında itkin düşən altı xizəkçidən beşinin meyiti tapılıb
İsveçrədə Alp dağlarında yoxa çıxan altı xizəkçidən beşi həlak olub.
Bu barədə yerli polis məlumat yayıb.
“Martın 9-dan bəri “Zermatt-Arolla” gəzinti marşrutu ilə fəal şəkildə axtarılan altı nəfərdən beşi martın 10-u ölü tapılıb”, - deyə polisin açıqlamasında bildirilir.
Qeyd olunur ki, yerli vaxtla saat 21:20-də üç xilasedici və bir polisdən ibarət qrup həlak olanların cəsədlərini aşkar edib.
Altıncı xizəkçinin axtarışları davam etdirilir.//Az.rtac
