ABŞ Maduronun ələ keçirilməsindən əvvəl onun ev heyvanlarını, qidasını və geyimini araşdırıb
General Keyn: ABŞ Maduronun ələ keçirilməsindən əvvəl onun ev heyvanlarını, qidasını və geyimini araşdırıb
ABŞ Venesuela Prezidenti Nikolas Maduronun qidasını, ev heyvanlarını, geyimini və onun məişətinə dair digər detalları öyrənib. Bunu ABŞ Silahlı Qüvvələrinin Birləşmiş Qərargah Rəisləri Komitəsinin sədri general Den Keyn Ağ Evin YouTube kanalında yayımlanan mətbuat konfransı zamanı bildirib.
Komitə rəhbərinin sözlərinə görə, Venesuela liderinə aylarla nəzarət edilib. Kəşfiyyat onun harada olduğu ilə bağlı iş aparıb, siyasətçinin necə hərəkət etdiyini, harada yaşadığını, hara getdiyini və nə yediyini xırdalığınadək araşdırıb. Ev heyvanlarının olub-olmaması kimi detallara da diqqət yetirilib.
“Dekabrın əvvəlində qüvvələrimiz yüksək hazırlıq vəziyyətinə gətirildi”, — deyə Keyn Mar-a-Laqoda keçirilən mətbuat konfransında bildirib.
Daha əvvəl Den Keyn ABŞ Silahlı Qüvvələrinin Venesuelaya edilən hücumdan sonra döyüş hazırlığı vəziyyətinə keçdiyini açıqlamışdı. Onun sözlərinə görə, amerikalılar Karib regionunda Vaşinqtonun öz maraqlarını qorumaq naminə güc nümayiş etdirməyə hazırdırlar.//https://lenta.ru/
