Ermənistan polisi parlamentin ətrafındakı yolları bağlayıb
Ermənistan polisi parlamentin ətrafındakı giriş və çıxışları bağlayıb.
Ermənistanın kütləvi informasiya vasitələri bildirir ki, bu parlamentin müzakirəsinə çıxarılmış məsələ ilə bağlı görülən ehtiyat tədbirləri səbəbindəndir.
Hakim “Mülki Müqavilə” fraksiyası müxalifətdən olan parlament sədrinin müavini İşxan Sağatelyan və komissiya sədri Vaqe Hakopyanın deputat mandatından məhrum edilməsi məsələsini qaldırıb. Bu, həmin deputatların daxili nizamnaməni pozması ilə izah olunur. Müxalifəti dəstəkləyən azsaylı qüvvələr isə müzakirəyə çıxarılan məsələni demokratiyaya qarşı addım kimi qiymətləndirirlər.
Xatırladaq ki, Sağatelyan və Hakopyan bu ilin may ayından indiyədək parlamentin iclaslarında iştirak etmirlər.
