Husilər Yunanıstana məxsus gəmini vurduqlarını təsdiqləyiblər
“Ənsar Allah” üsyançı hərəkatından olan husilər Yəmən sahillərində Yunanıstana məxsus “Zografia” yük gəmisinə hücuma görə məsuliyyəti öz üzərilərinə götürüblər.
TASS xəbər verir ki, bu barədə hərəkatın hərbi nümayəndəsi Yəhya Saria özünün teleqram kanalında bəyanat yayıb.
Yəhya Saria qeyd edib ki, Fələstinin limanlarına gedən gəminin heyəti xəbərdarlıq siqnallarına cavab vermədiyinə görə, onlara qarşı bir neçə raket atılıb.
