Kanadada meşə yanğınları bütün rekordları geridə qoya bilər
Kanadada meşə yanğınları miqyası və intensivliyi baxımından bütün rekordları geridə qoya bilər. Baş nazir Castin Trüdo hazırda ölkədə 414 təbiət yanğınının tüğyan etdiyini və onlardan 239-nun nəzarətdən çıxdığını deyib.
Yerveinsan.az ВВС telekanalına istinadla xəbər verir ki, şiddətli yanğınlar 20 mindən çox kanadalını evlərini tərk etmək məcburiyyətində qoyub, Şimali Amerikada isə on milyonlarla insana tüstü ilə bağlı potensial təhlükə barədə xəbərdarlıq edilib.
