Azərbaycan paraatletləri Tbilisidə daha iki medal qazanıblar - Foto
Azərbaycanın daha iki idmançısı Tbilisidə keçirilən para-pauerliftinq üzrə dünya kuboku yarışlarında medal qazanıb.
Azərbaycan Milli Paralimpiya Komitəsindən Yerveinsan.az-a bildiriblər ki, millimizin üzvü Talıb Zeynalov 107 kiloqramdan yuxarı çəki dərəcəsində gənc idmançılar kateqoriyasında qızıl medal əldə edib. O, 146 kiloqram nəticə ilə fərdi çəkidə ən yaxşı göstəriciyə imza atıb. Bununla T.Zeynalov ümumi çəkidə də daha bir qızıl medalın sahibi olub. Təmsilçimiz böyüklər arasında yarışı isə 5-ci pillədə tamamlayıb.
Yığmanın digər paraatleti Şamo Aslanov (+107 kq) üç cəhdin cəmində 595 kiloqramlıq nəticə göstərərək, gümüş mükafata yiyələnib. O, fərdi kateqoriyada 205 kiloqram nəticə ilə yarışı dördüncü yerdə başa vurub.
