"Qarabağ” bu qış ilk transferini reallaşdırıb.
Yerveinsan.az klubun mətbuat xidmətinə istinadən xəbər verir ki, Ağdam təmsilçisi “Sabah”dan Aleksey İsayevi heyətinə qatıb. 28 yaşlı yarımmüdafiəçisi ilə 3,5 illik müqavilə imzalanıb.
O, 2020-2023-cü illərdə “Sabah”ın formasını geyinib. Azərbaycan millisinin də üzvü olan İsayev bunadək Rusiyada “Yenisey” (2014-16, 2017-18) və “”Zenit-2” (2016-18), ölkəmizdə “Sumqayıt”da (2018-20) çıxış edib.
