İranda prezident seçkilərində Məsud Pezeşkian liderlik edir (YENİLƏNİB)

Sabiq səhiyyə naziri və “İslahatçılar” düşərgəsinin nümayəndəsi Məsud Pezeşkian İranda prezident seçkilərində liderlik edir.

Bu barədə İran İslam Respublikasının Seçki Qərargahının nümayəndəsi Möhsün Eslami məlumat verib.

58,6 min seçki məntəqəsindən 13,28 minində (22,7%) 5,819 milyon bülleteni emal etdikdən sonra M.Pezeşkian 2,904 milyon, İranın Ali Liderinin Ali Milli Təhlükəsizlik Şurasındakı nümayəndəsi , mühafizəkar Səid Cəlili isə 2,815 milyon səs toplayıb. İlkin məlumatlara görə, seçkilərin ikinci turunda 30 milyondan çox insan səs verib.//Trend