Çempionlar Liqasında "Qarabağ"ın potensial rəqibləri məlum oldu
İsveçrənin Nyon şəhərində UEFA Çempionlar Liqasının pley-off mərhələsinin püşkatma mərasimi keçirilib.
Ağdamın “Qarabağ” klubu üçüncü təsnifat mərhələsində APOEL-i (Kipr) keçəcəyi təqdirdə PAOK (Yunanıstan) - "Ayaks" (Niderland) cütünün qalibi ilə qarşılaşacaq. İlk görüş "Qarabağ"ın meydanında baş tutacaq.
Qeyd edək ki, pley-off mərhələsinin ilk görüşləri 20-21 avqust, cavab görüşləri 27-28 avqust tarixlərində keçiriləcək.