ABŞ-ın dövlət katibi Rubio: ABŞ İran xalqını dəstəkləyir
ABŞ iranlı etirazçıların tərəfində olduğunu bildirib. Bununla bağlı ölkənin dövlət katibi Marko Rubio X sosial şəbəkəsində açıqlama verib.
“Birləşmiş Ştatlar İranın cəsur xalqını dəstəkləyir”, — deyə o yazıb.
Öz növbəsində, ABŞ lideri Donald Tramp İrandakı vəziyyəti son dərəcə çətin kimi xarakterizə edib. Onun sözlərinə görə, ölkə hakimiyyəti bəzi şəhərlər üzərində nəzarəti itirib, halbuki bir neçə həftə əvvəl belə bir inkişafı təsəvvür etmək çətin idi. O, həmçinin bir daha vurğulayıb ki, etirazçılara qarşı zorakılıq göstəriləcəyi təqdirdə Birləşmiş Ştatlar sərt reaksiya verəcək.
